Riflessjoni fuq
il-Qari tal-Quddies tal-Ħadd.

5 ta' Ottubru 2025.
Is-27 Ħadd ta' Matul is-Sena. Sena Ċ.
Jeħtieġ Nikbru fil-Fidi.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Fis-silta tal-Vanġelu (Lq.17:5-10), inkomplu bil-mixja/vjaġġ ta' Ġesu' lejn l-Belt ta' Ġerusalem. Matul dan il-vjaġġ, Luqa jippreżentalna lid-dixxipli jistaqsu diversi mistoqsijiet lil-Ġesu', u Hu jirrispondi b'tagħlim dwar id-dixxipolat. Aktar qabel l-Appostli jitolbu lill-Ġesu', "Għallimna nitolbu" (11:1), illum jerġgħu jitolbuH "Kattar fina l-fidi" (v.17:5). Biex naraw x'wassalhom biex jagħmlulu din it-talba jkollna naqraw l-ewwel versi ta' Kap.17 (v.1-4).

F'dawn il-versi nsibu lill-Ġesu' jwissi:

• a) dwar l-iskandlu .... u l-kruha tiegħu li jkun jaqbillu dak li jkun li jorbtulu ġebla m'għonqu u..... jiġi mitfuħ il-baħar (v.1-2);
• b) dwar il-maħfra.... li jonqsok kemm jonqsok ħuk, ipprova wissieħ u għandu mnejn jindem,..... imma xorta għandek taħfirlu.... dejjem (v.3-4).

Dawn it-twissijiet ta' Ġesu' jitolbu impenn serju, tant, li setgħu ħasdu u ħawdu anki lill-Appostli, li fil-fatt ħassew il-bżonn, biex jikbru fil-fidi.

1) Għaliex isaltan il-ħażen .... u jbatu it-tajbin.....? L-1 Qari meħud mill-Ktieb tal-Profeta Ħabakuk (1:2-3; 2: 2-4). Ħabakuk kien imsejjah minn Alla biex jaqdi l-missjoni bħala profeta fost il-Lhud madwar is-sena 608 qk. Huwa għex fi żmien ta' niket, biża u qtiegħ il-qalb. Kien żmien ikraħ għas-saltna ta' Ġuda mhedda mill-qawwa ta' Babilonja u mimlija bl-idolatrija u b'kull xorta ta' ħażen ieħor. Il-profeta mhux biss jilmenta, imma kważi jipprotesta ma' Alla, għax imdejjaq għall-aħħar bis-sitwazzjoni politika u reliġjuża ta' artu. Ma kienx jara madwaru ħlief qerda u vjolenza, ġlied u tilwim. Mhux biss, imma l-ħżiena jaħkmu u jirbħu, u t-twajbin dejjem minn taħt. Il-profeta ma setax jifhem kif Alla kien qed jippermetti u jissaporti dal-ħażen kollu.

Fis-silta tallum il-profeta jiddjaloga u jistaqsi lil Alla kemm se jdum ma jrażżan lill-ħżiena biex il-ħażen ma jkomplix jikber u għaliex qed jippermetti dal-ħażen kollu (1.2-3). U Alla jwieġbu li, fi żmien qasir kien se jġib fuqhom il-ġens tal-Kaldin. Għalkemm l-ebda Lhudi qatt ma ħolom li dawn setgħu jidħlu f'artu, imma l-Kelma ta' Alla seħħet tassew. Meta l-Mulej wieġbu għat-talba ta' l-ilment tiegħu, ma taħx dak li talbu, iżda wegħdu li, kien se jagħtihulu meta jkun il-waqt (2:2-4).

Alla hu ħanin u mimli mogħdrija...... Għalhekk bħal donnu jidher li jdum ma jaġixxi.... Huwa jibqa' jistenna li l-midneb jikkonverti.....Alla DEJJEM jisma TALBNA.

2) Ħares it-TEŻOR sabiħ..... li kien fdat f'idejk..... Għat-2 Qari tinqara silta mit-2 Ittra lil Timotju (1:6-8; 13-14). Din hija waħda mit-3 ittri msejjħa pastorali li,'jekk', miktuba minn Pawlu hija l-aħħar waħda qabel sofra il-martirju, propabbilment fis-sena 67 wk., fl-eqqel tal-persekuzzjoni ta' Neruni, &7289;ewwa Ruma. Għalhekk tista' tissejjah 'it-testment' ta' l-Appostlu. Fiha jingħataw rikmandazzonijiet u twissijiet siewja lil Timotju, bħala 'ragħaj' tal-komunita.

• • Ħeġġu li għandu jieħu ħsieb u jgħasses fuq il-merħla tiegħu,
• • Jiġġieled kontra tagħlim qarrieqi
• • Għandu jżomm dejjem għajnejh miftuħa biex jgħasses għal kull perikli.

Pawlu jħeġġeġ lil Timotju sabiex bil-ferħ u bla biża jxandar it-tagħlim awtentiku tal-Evanġelju, tagħlim li Pawlu jiddiskrivih bħala "l-aqwa teżor" u dan għax iwassal sabiex wieħed jakkwista l-aqwa teżor possibli - s-Saltna tas-Smewwiet.

Bħala nisrani u wisq iżjed bħala mexxej tal-Kommunita, Timotju kellu jagħti xhieda għal-Ġesu' Kristu billi jkompli bix-xandir ta' l-Evanġelju. M'għandu jistħi min xejn , minkejja li l-Imgħallem tiegħu Pawlu, issa jinsab priġunier f'Ruma. " Mela tistħi xejn minħabba fix-xhieda għal Sidna, anqas minħabba fija, priġunier tiegħu, imma aqsam miegħi t-tbatija għall-Evanġelju, u afda fil-qawwa ta' Alla" (1:8).

Pawlu kien konvint li f'idejh ġie afdat it-teżor tal-fidi ta' l-evanġelju. Għalhekk issa dan it-teżor qed jafdaħ f'idejn Timotju billi jkompli bit-tagħlim sħiħ li, kien sema' mingħandu. "Ħares bl-għajnuna ta' l-Ispirtu s-Santu li jgħammar fina t-teżor sabiħ li kien fdat f'idejk" (1:14). Min-naħa tiegħu, Timotju, kellu d-dmir li jħares dan it-teżor tal-fidi minn kull xorta ta' ereżija, dejjem bl-għajnuna ta' l-Ispirtu s-Santu, li kiseb bit-tqegħid ta' jdejn Pawlu, dakinhar ta' l-Ordinazzjoni tiegħu. "...u afda fil-qawwa ta' Alla"..... Dan hu l-ispirtu li ......biH nirbħu d-diffikultajiet u t-tfixkil li..... magħhom niltaqgħu f'ħajjitna.

3) Il-FIDI u l-QADI... ħtieġa fil-ħajja tan-nisrani....Is-silta tal-Vanġelu hija maqsuma f'2 partijiet ewlenin:

• • Għandna t-talba ta' l-Appostli.....u tweġiba ta Ġesu'’ dwar il-Fidi.....
• • Luqa jagħtina parabbola qasira minn fomm Ġesu' li tagħlima tagħha jiċċentra fuq l-atteġġjament tal-qaddej.

Il-parabbola (v.7-9) titkellem dwar 'qaddej', li dak iż-żmien kien membru tad-dar ta' sidu. Wara l-ġurnata tax-xogħol fir-raba' jew ma' l-imrieħel, hu kien jirritorna lura d-dar ta' sidu. Dan il-qaddej ma' kienx se jsib l-ikel lest, iżda ried hu stess iħejji l-mejda għal-sidu. Imbagħad wara li jiekol sidu, kien jiekol mill-fdal li jibqa. Żgur li wara dan kollu, is-sid mhux se jgħidlu, l-ebda grazzi.

It-tagħlima ta' din il-parabbola hija, li aħna qaddejja ta' Alla. Għandna naqduH bil-qalb għax dan hu dmirna, imma, m'għandna nippretendu l-ebda ħlas bi dritt minn għandU. Dak kollu li jagħtina, jagħtihulna sforz it-tjieba u l-ħniena tiegħU lejna. Li nkunu qaddejja ta' Alla jfisser li nkunu nies ta' fidi. Inżommu f'moħħna li l-fidi bħall-ħajja, jeħtieġ li TIKBER....TIŻVILUPPA.... u.....TIMMATURA. Għalhekk b'UMILTA bħall-Appostli....... kontinwament nitolbuH.......KATTAR FINA l-FIDI.....

Leli Muscat.
lelimuscat@gmail.com

10 ta' Ottubru 2025.
It-28 Ħadd ta' Matul is-Sena. Sena Ċ.
sIrroddu Ħajr lil Alla.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Kien f'Settembru 1973 meta l-familja ta' Matile f'Kansas talbu lil saċerdot. biex iqaddes quddiesa biex f'attivita' ta' sports uliedhom Gene u Joe jaqtgħu il-quddiem fil-kompetizzjoni li kienet ippjanata. Din l-attivita' kienet suċċess u għalhekk il-familja Matile talbu lill-istess saċerdot li jqaddes quddiesa oħra bħala radd il-ħajr għas-suċċess miksub

Hawn għandna eżempju ta' dak il-lebbruż li biex iroddlu ħajr għall-favur li għamillu L-Imgħallem Divin reġa lura biex jirringrazzjah. Ta' min jistaqsi kemm il-darda bħala rikonoxxenza rritornajna għand Ġesu' biex inroddulu ħajr għall-favuri li għamel magħna???

Naħseb li kemm il-darba intqajtu ma l-istorja ta' dak ir-raġel li sab ruhu jiddawwar ma l-uffiċċini li hemm fil-ġenna min San Pietru. San Pietru spjegalu li fl-ewwel żewġ uffiċċini, li kienu minlija anġli, l-anġli jirċievu t-talb u x-xewqat tan-nies u jaraw kif, bl-għinuna ta' Alla, dawn jiġu mismuma. Meta waslu fit-tielet uffiċċu ra li kien hemm ftit anġli u dawn aktar kienu jħarsu milli jaħdmu. Ir-raġel sorpris staqsa x'kien xogħolhom. Dlonk San Pietru wieġbu li dawk xogħolhom kien li jirċievu mingħand in-nies ir-ringrazzjament tal-grazzi li nagħtaw. B'hekk ried iwassal il-messaġġ li l-grazzji mogħtija huma ħafna imma r-ringrazzjamenti huma ftit. Dan huwa s-suġġett ta' dan il-Ħadd. Nittolbu ħafna imma kemm inroddu ħajr lil Alla tal-grazzji li nirċievu min għandu.

Kemm l-ewwel qari kif ukoll il-vanġelu jittrattaw nies morda bil-ġdiem. Fl-ewwel qari naqraw l-istorja ta Nagħman, ġeneral Sirjan marid bil-ġdiem. Niftakru li Nagħman, għall-ewwel ma ħax gost bil-parir tal-profeta Eliżew għax deherlu li l-ilma tax-xmajjar ta' pajjiżu huma tajbin daqs l-ilma tal-Ġordan. Kien fuq l-issistenza ta' l-ilsir tiegħu li fl-aħħar niżel fil-Ġordan u fieq. Kemm-il darba aħna ukoll jidhrilna lis-soluzzjoni tagħna hija aħjar minn dik ta' Alla?

Wara l-fejqan tiegħu, Nagħman offra rigali li Eliżew iżda dan ma aċċethomx. Hekk ukoll Alla, Alla ma jridx ħlas minn għandna biex ixerred il-ġid u l-grazji tiegħu fuqna. Fil każ ta' Nagħman Alla mhux biss fejqu f'ġismu imma Alla tah ukoll id-dawl biex jagħraf li m'ħemmx Alla ieħor fl-art kollha ħlief f'Israel.

Il-Mulej għarraf is-salvazzjoni lill-ġnus. Dan ħa jkun ir-rispons għas-salm ta' tifħir lil Alla li se naqraw dan il-Ħadd. Kien permezz tal-magħmudija li aħna bdejna it-triq li twassalna għas-salvazzjoni ta' dejjem għalhekk bil-raġun kollu nistgħu ngħidu li Il-Mulej għarraf is-salvazzjoni lill-ġnus.

Is-silta tat-tieni qari mill-ittra ta' San Pawl lil Timotju inkitbet mill-ħabs. L-unika ħtija li kellu San Pawl kienet dik li jxandar l-evanġelju lill-ġnus. Illum ukoll għad hemm fid-dinja min ibgħati l-inġustiżja u anki l-mewt talli jxandar l-evanġelju. San Pawl f'din l-epistola jgħamlilna kurraġġ għax: jekk insofru bis-sabar; għad insaltnu miegħu wkoll pero jekk niċħduh, hu jiċħadna wkoll. Dan jgħodd għalina llum ukoll.

Ir-rakkont tal-evanġelju ta' llum huwa wieħed magħruf sew. Huwa ir-rakkont ta' dawk l- għaxar irġiel morda bil-ġdiem, disgħa Lhud u wieħed Samaritan. Ilkoll kemm huma ġew imfejqa mill-ġdiem tagħhom minn Ġesu' iżda wieħed biss, il-barrani, is-Samaritan, ħass il-bżonn, hekk kif induna li kien imfejjaq, li jmur lura u jirringrazzja li Ġesu' tal-grazzja kbira li kien għadu kemm qala. U għax kien rikonoxxjenti Ġesu' mhux biss tah il-fejqan tal-ġisem imma tah il-fejqan tar-ruħ ukoll: il-fidi tiegħek ħelsitek.Hekk jagħmel Alla magħna meta nkunu rikkonoxenti, mħux biss jagħtina l-grazza li nkunu tlabna imma jagħtina ferm aktar.

Dan l-evanġelju jorbot ħafna ma dik l-istorja li tajna fil-bidu ta' din ir-riflessjoni. Ħafna huma dawk li jaqalaw grazzji min għand Alla imma ftit huma dawk rikonoxenti u fit-talb tagħhom jirringrazzjaw lil Alla tal-grazzji li jkunu qalgħu. Meta ma nirringrazjawx huwa għal vantaġġ tagħna? Jekk nirriflettu sew fuq il-vanġelu naraw li meta nkunu rikonoxenti tal-grazzji li nkunu rċevejna, kemm dawk li nkunu tlabnihom kif wkoll dawk il-grazzji li Alla jgħatina min jeddu, Alla jkun dejjem presenti biex ifejjaqna mill-mard tar-ruħ.

Dun Anton Mallia Borg.
vinbonnici@gmail.com

19 ta' Ottubru 2025.
Id-29 Ħadd ta' Matul is-Sena. Sena Ċ.
Il-Bibbja: Il-Kelma tal-Mulej.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Charles Debono.
debono.charles@gmail.com

26 ta' Ottubru 2025.
It-30 Ħadd ta' Matul is-Sena. Sena Ċ.
Perikli ta' min Hu Tajjeb.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Charles Spiteri.
charliespiteri@gmail.com

2 ta' Novembru 2025.
Gid tal-Imwiet. Sena Ċ.
.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Leli Muscat.
lelimuscat@gmail.com

9 ta' Novembru 2025.
Id-Dedikazzjoni tal-Bażilika tal-Lateran. Sena Ċ.
.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Leli Muscat.
lelimuscat@gmail.com

3 ta' Ottubru 2025.
It-3 Ħadd ta' Matul is-Sena. Sena Ċ.
.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Charles Debono.
debono.charles@gmail.com