Riflessjoni fuq
il-Qari tal-Quddies tal-Ħadd.

22 ta' Settembru 2024.
Il-25 Ħadd ta' matul is-Sena. Sena B.
Il-Problema tat-Tbatija.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Daħla:
Illum nixtieq niftah billi nsellem lil ħabib tiegħi John Baptist Sciberras li għadda għal għand il-Mulej nhar it- 13 ta' Awissu li għadda. Għaliex qed insellem lil John illum? Mhux għax sempliċiment kien ħabib imma għax is-suggett ta' llum huwa l-misteru tat-tbatija. Għala l-bniedem tajjeb għandu jbagħti. Bla dubju John kien bniedem twajjeb u qrib il-Mulej. B'danakollu fit-tbatija tiegħu ma ħadhiex kontra Alla iżda kien jieħu kollox minn idejn Alla bl-għarfien li l-premju jirċevieh mhux issa f'dan il-wied tad-dmugħ imma wara mewtu u llum ninsab ċert li John qiegħed igawdi dan il-premju tal-ħajja eterna fi ħdan il-Ħniena Divina ta' Alla.

Kemm il-darba tisma' lil min igħidlek " aktar ma tkun twajjeb aktar taqla' fuq rasek". U tassew, għax meta tkun twajjeb id-dinja taħsbek dgħajjef u tabbuża minnek. Din hi x-xorti tal-bniedem tajjeb. Iżda jekk il-bniedem tajjeb jaqla' fuq rasu mill-bnedmin l-oħra dan żgur mhux l-istess fejn jidħol Alla għax għal Alla għażiża hi l-ħajja tat-tajjeb. Il-bniedem tajjeb ħafna drabi jbagħti fid-dinja iżda għad jiret il-ħajja ta' dejjem. Għal bniedem ta' bla fidi dan il-kliem jidher bluha iżda għal min jemmen dan il-ħsieb jimlieh bit-tama u l-ferħ.

Il-Kelma:
L-ewwel qari tagħna hu meħud mill-ktieb ta' l-Għerf. Dan il-ktieb inkiteb speċifikament għal Lhud li kienu jgħixu fl' Ixandra u l-Egittu ta' fuq fi żmien meta l-kultura Griega, kultura pagana kienet fl-aqwa tagħha. Dawn il-Lhud kienu mdawrin mill-pagani u għallura dejjem hemm il-possibilita li dawn jiġu nfluwenzati mill-pagani li kienu jdawwruhom. Dejjem kien hemm il-possibilita li dawn jiċħdu l-fidi li għaddewlhom missirijiethom u jduru għal paganiżmu. Għalhekk permezz ta' dan il-ktieb l-awtur qiegħed jinkoraġġixxi lil dawn il-Lhud sabiex jibqgħu sħaħ fil-fidi tagħhom u jħarsu d-drawwiet ta' missirijiethom.

Dan il-ktieb nistgħu nqisuh bħala ntroduzzjoni għal ħajja wara l-mewt u l-ġudiżżju ta' Alla ta' għemil il-bniedem fejn Alla jikkastiga lil ħażin u jippremja lit-tajjeb, tant, li l-ktieb jiftaħ billi jitkellem mill-gustizzja u kif id-dnub iwassal għal mewt.

Fil-qari tagħna naraw kif il-bniedem tajjeb jiġbed għal fuqu l-għadab tal-ħżiena u dan għax il-ħajja tajba tiegħu tikxef il-ħażen tagħhom u għallura jispiċċa mwarrab u mmaqdar u jeħilsu minnhu għax meqjus xkiel u ċanfira għal kuxjenza tagħhom. Il-Lhud kienu jqisu t-tmaqdir u ż-żeblih li kienu jiġbdu għal fuqhom mill-pagani b'dan l-istess mod, imma dejjem baqgħu sħaħ għax kienu jittamaw f'Alla.

L-Insara sa minn dejjem lemħu lil ġesu' f'dan il-qari, Ġesu' l-Qaddej Sofferenti li ġibed għal fuqu ż-żebliħ tal-ħżiena sakemm qatluh u tawh mewta kiefra preċizament kif għandna f'dan il-qari.

Is-salm imbagħad huwa talba għal ħelsien mill-għedewwa. Is-salmista persważ li Alla ser jilqa' t-talba tiegħu u dan għax Alla jaqbeż u jieħu ħsieb dawk li huma fidili lejh. Għalhekk b'ringrazzjament is-salmista joffri sagrifiċċju ta' radd il-ħajr lil Alla. Dan għandu jkun l-attaġjament quddiem l-għedewwa tagħna għax Alla huwa l-blata tas-salvazzjoni tagħna - int temmnu dan?

San Ġakbu jinsisti li aħna għandna ngħixu l-fidi tagħna bil-fatti u mhux bil-paroli. L-għemejjel tagħna juru l-fidi tagħna. Bniedem ta' fidi jitma' lil min hu bil-ġuħ, ilibbes lil għarwien u jisqi lil min hu bil-għatx. Min igħix ħajtu skond id-dinja ma hemmx fidi fiħ u għallura jkun bniedem ta' ġlied u tilwim, supperv u għajjur, giddieb u kollu qerq. Il-bniedem tajjeb ma hemmx qerq fih u ma jħares lejn wiċċ ħadd.

Fil-vanġelu Ġesu' jħabbar għat tieni darba l-mewt u l-qawmien tiegħu. Ftit qabel Pietru Ġwanni u Ġakbu raw lil Ġesu' fuq it-Tabor. Lil Ġesu' ma fehmuhx meta tkellem mill-mewt u t-tbatijiet tiegħu. Kif setgħa Ġesu' jghaddi minn dan meta huwa kellu l-qawwa li jagħmel mirakli daqstant kbar! L-ideja tagħhom kienet li Ġesu' kien ser ikun xi Sultan kbir u għallura jiġġieldu u jitlewmu bejniethom dwar min minnhom kien l-akbar - sintendi ħalli meta Ġesu' jsir sultan jagħtihom pozizzjonijiet ta' setgħa.

U Ġesu' li ra x'hemm f'qalbhom isejħilhom lejh biex jgħallimhom. Ħdejh għandu tifel ċkejken, jipponta lejh u jgħidilhom " kull min jilqa' wieħed minn dawn iċ-ċkejknin minħabba f'ismi, jkun jilqa' lili", f'kelma waħda huma kellhom jaraw fl-innoċenza u s-safa tat-tfal lil Ġesu', għax Ġesu' ma ġiex biex jaħkem ( it-tfal ma jaħkmux ) iżda biex jagħti ħajtu b'fidwa għal bnedmin. Hekk ukoll huma, mhux pozizzjonijiet ta' mportanza kellhom ifittxu iżda li jkunu ta' qadi għal xulxin u għall-oħrajn.

Il-Ħsieb:
L-Antifona tad-dħul tal-quddiesa tal-llum tghidilna:
" Jiena s-salvazzjoni tal-poplu, kull meta jsejħuli fid-dwejjaq tagħhom jien nismagħhom".

Alla hu mħabba u jinteressaħ minnha. Min jaf minn kemm il-problema u mumenti ta' nkwiet u tbatija ngħaddu minnhom f'ħajjitna! Quddiem it-tbatija nitħawdu u nistaqsu " għala l-innoċenti u t-tfal ibagħtu,għala l-ingustizzja li twassal għat-tbatija, għala l-gwerer inutli bħal fil-każ klassiku ta' l-Afganistan fejn kollox reggħa koppi għax it-Talibani reggħu ħadu lura l-pajjiż f'idejhom, għala tant firdiet fil-familji, tkissir ta' żwiġijiet, għala t-tbatija fid-dinja?" Ħafna drabi it-tbatija hi frott l-istess eġoiżmu, l-għira u s-suppervja tal-bniedem, immela frott id-dnub tagħna.

Il-problema tat-tbatija ma tistax tiffaċċja waħdek iżda jeħtieġ tintelaq f'idejn Alla bl-umilta u l-fidi. Isaija jgħidilna " Hu refa' fuqu l-mard tagħna, tgħabba bin-niket tagħna". Dawk li jħaddnu t-triq ta' Ġesu', fit-tbatija tagħhom isibu l-faraġ u s-salvazzjoni. Dawk li jieħdu triq ohra jgħotru taħt it-toqol tas-salib u ma jqumux.

Talba:

• Mulej Ġesu' jiena għandi bżonnok – dejjem u l-ħin kollu.
• Kun miegħi meta nkun mgħaffeġ bit-toqol tal-mard
• Kun miegħi meta nkun waħdi u mdejjaq
• Kun miegħi fil-beżgħat u l-uġigħ tal-qalb
• Kun miegħi meta nkun ittradut minn dawk li nħobb
• Kun miegħi meta kulħadd iwarrabni
• Kun miegħi għax Jien fik biss nittama.

Charles Debono.
debono.charles@gmail.com

29 ta' Settembru 2024.
Is-26 Ħadd ta' matul is-Sena. Sena B.
Aħhna u Min Mhux Magħna.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Charles Spiteri.
charliespiteri@gmail.com

6 ta' Ottubru 2024.
Is-27 Ħadd ta' matul is-Sena. Sena B.
Iż-Żwieġ fil-Mulej.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Leli Muscat.
lelimuscat@gmail.com

13 ta' Ottubru 2024.
It-28 Ħadd ta' matul is-Sena. Sena B.
Il-Flus: Periklu jew Għajnuna?

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Fis-6 ta’ Ġunju 1976 miet fl-eta ta' 83 sena l-aktar bniedem għani tad-dinja kien jismu J. Paul Getty li kien jippossiedi bejn tnejn u erbgha biljun dollari. Kien wasal fil-ħames darba li kien iddivorzja. Jum wieħed kien stqarr ma xi ħadd li għamillu intervista li kien pront li jirrinunzja għall-ġid kollu li kellu li kieku kellu x-xorti li jgħaddi mill-esperjenza ta' żwieġ feliċi. Tassew nistmerr li mġiebi tkun fjask. Ma dak li għamillu ntervista stqarr miegħu li tkun ħaġa enormi li jġorr dawk l-ammonti ta' flus miegħu meta jasal li jħalli din id-dinja iżda nistqarr sinċerament li l-ġid materjali u l-ammonti ta' flus għandhom rabta qawwija man-nuqqas ta' kuntentizza f'din id-dinja.

Dun Anton Mallia Borg.
vinbonnici@gmail.com

3 ta' Settembru 2024.
It-3 Ħadd ta' matul is-Sena. Sena B.
.

Biex aktar tapprezzaw dawn ir-riflessjonijiet nissuġġerulkom taqraw is-siltiet indikati.

riflessjoni

Charles Debono.
debono.charles@gmail.com